ILOILO CITY – Duha ka mag-live in partner ang dakop sa buy bust operation sa Purok Kaisahan, Brgy. East Baluarte, Molo, Iloilo City.
Ang buy bust operation ang ginpatigayon sang City Drug Enforcement Unit (CDEU).
Ang subject sang buybust operation amo si Lucian Nessea, 38, sang Bacolod City kag nadakpan man ang iya live-in partner nga si Ivy, 36, sang Molo, Iloilo City lakip ang maglive-in partner nga sanday Melver Junio, 35 sang Iloilo City kag Elsie, 21, sang Concepcion, Iloilo.
Nakuha ang pito ka sachets sang suspected shabu kag ang P600 nga buy bust money.
Sa interview sang Bombo Radyo kay Punong Barangay Gary Patnubay sang nasambit nga lugar, iya ginpahayag nga pila pa lang ka bulan nga nagadayon sa isa ka boarding house sa ila lugar ang mga nagkaladakpan.
Ginpahayag ni Patnubay nga ang tanan nga mga nagadayon sa ila lugar ang iya nga ginapapirma sa logbook apang ang apat ang wala pa nakapirma.
Bangud sini, ginpahayag sang Punong Barangay wala siya sang tul-id nga ihibalo tuhoy sa mga nagkaladakpan.
