Duha patay, isa pilason matapos nagbunggu-anay ang motorsiklo kag pick-up sa Janiuay, Iloilo

ILOILO CITY–Duha ang patay samtang isa ang pilason matapos makabunggo sa pick-up ang motorisklo sa Sitio Kinambod, Brgy. Matag-ob, Janiuay, Iloilo.
Sa interview sang Bombo Radyo kay PO1 Pio Estampador, imbestigador sang Janiuay Municipal Police Station, iya ginpahayag nga ang mga napatay amo sanday alyas Nono, driver sang motorsiklo, kag Rubea Elbano, samtang bali ang kamot kag tiil sang biktima nga si Shiela Taborada, lunsay sang nasambit man nga banwa.
Ginapahayag nga lunsay pilas sa ulo ang naangkon sang duha ka mga napatay.
Nagapadulong sa banwa sang Janiuay ang motorsiklo kag nag-overtake sa isa ka Ceres Bus.
Sang pag-overtake sang motorsiklo, nakabunggo ini sa nasumalang nga pick-up.
Nakasaga-id pa sa Ceres Bus ang motorsiklo kag ginsalakay sang pick-up nga salakyan.
Natabo ang aksidente suno kay Estampador sa madulom nga bahin sang nasambit nga lugar.