Duha pilason, matapos nagbunggu-anay ang pick-up kag pribado nga salakyan sa Lapaz, Iloilo City

ILOILO CITY–Mapalaron nga wala natam-an ang sakay sang pick-up kag pribado nga salakyan nga nagbunggoanay sa ginsang-an sang Jereos kag Gustilo, Lapaz, Iloilo City.
Sa interview sang Radyo sa witness nga nagpahinago lang sang pangalan, iya ginpahayag nga sa bahin sang Gustilo naghalin ang pick-up samtang sa Jereos naman naghalin ang pribado nga salakyan.
Gupi naman ang duha ka salakyan kun sa diin nagkalakakas ang bumper kag naglinapta ang gasolina sa dalan.
Ginpahayag sang pick-up driver nga si Joseph Lozada nga nakalapaw na ang iya salakyan sang hinali lang ginbungguan sang pribado nga salakyan nga madasig ang pagpadalagan.
Todo-depensa naman ang driver sang pribado nga salakyan nga yara siya sa right of way.
Sa pihak sang mabaskog nga pagkabunggo, wala naman naka-angkon sang patal nga pilas si Lozada.