ILOILO CITY- Nahulog sa pil-as ang isa ka dump truck nga may karga nga bato sa bahin sang Brgy. Tiolas, San Joaquin, Iloilo.
Suno kay Police Lieutenant Dionisio Estacio, hepe sang San Joaquin Municipal Police Station, halin sa Antique ang nasambit nga truck kag padulong ini sa Leganes.
Ginpahayag ni Estacio nga sang naglabay sa gina-construct nga dalan ang truck, nahulog ini sa buho kag nagdiretso sa pil-as nga maya kataason nga 10 ka metros.
Nakaagom naman sang pilas sa ulo sa lawas ang driver sang truck nga si Roger Bolan, 39 anyos, residente sang Brgy. Bagong Bayan, San Joaquin nga padayon pa nga ginabulong sa ospital.
