Liwat nga gin-athag ni Presidente Rodrigo Duterte nga wala sang matabo nga face-to-face classes samtang wala pa nalab-ot ang herd immunity batok sa COVID-19.
Suno sa presidente, pahanugutan lang ang face-to-face nga klase kun nabakunahan na ang tanan.
Ginrason man sang presidente ang pahayag ni Department of Finance Secretary Carlos Dominguez III nga may kwarta ang Pilipinas nga sarang makabakal sang bakuna.
Sa subong suno sa presidente, indi niya mahimo masugal ang ikaayong lawas sang mga kabataan.
Suno naman kay Department of Education Secretary Leonor Briones, ginabawi na niya ang proposal sa face-to-face nga klase apang magahanda sa gihapon ang ahensya kag magahulat sa tion nga safe na ang reopening sa mga eskwelahan.
