DUMANGAS,ILOILO– Dugang nga duha ka bangkay ang nasapwan nga naga utaw-utaw sa baybayon sang Dumangas, Iloilo sa pagpadayon man sa gihapon sang Search and Retrieval Operation sang Philippine Navy kag Philippine Coastguard.
Ang mga bangkay ang ginapatihan kaupod sa mga pasahero sang tatlo ka pumpboat nga nagkulob sa kalalawran nga sakop sang Iloilo Strait.
Sa interview sang Bombo Radyo kay Lt. Junior Grade Cheribel Pugong, Deck Gunnery Officer sang BRP Cape Engano, iya ginpahayag nga wala pa na nakilala ang duha ka bangkay nga yara na sa state of decomposition.
Dugang pa ni Pugong, indi pa sigurado kun untaton sa buwas ang search and retrieval operations bangud sa pag-abot ni Presidente Rodrigo Duterte sa syudad sang Iloilo agud bisitahon ang mga biktima sang insidente.
