Naglab-ot na sa masobra 50% sang mga ebidensiya sa impeachment case batok kay Sara Duterte ang namarkahan na sa ginahiwat nga pre-trial proceedings sa Senado.
Suno kay Mamamayang Liberal Party-list Representative Leila de Lima, padayon ang proseso kag nagasalig ini nga madayon ang pagsugod sang impeachment trial sa Hulyo 6.
Ginpadamo naman sang Senado ang mga marking teams halin sa apat pakadto sa anum kag ginpalawig ang oras sang pagtrabaho halin alas-9 sang aga tubtob alas-7 sang gab-i agud mapadasig ang pagtrabaho sini.
Bangud sini, mas nagdasig man ang proseso sa pagmarka kag pagrepaso sang mga ebidensiya para sa impeachment case.
Una na nga naghingyo sang extension ang House Prosecution Panel bangud sa kadamuon sang mga ebidensiya kag mga dokumento nga dapat markahan.
