Ginhinambit ni President Ferdinand “Bongbong” Marcos Jr. sa iya nga State of the Nation Address (SONA) ang kontrobersyal nga Pax Silica Industrial Hub nga ginaplano nga itukod sa Pilipinas.
Baliskad sa mga ginpanawagan sang iban nga ibasura ang amo nga plano bangud sa malain nga epekto sa palibot, nagpahayag ang presidente nga magadala ini sang “quality jobs” sa mga pumuluyo.
“It [Pax Silica] will create an ecosystem that will have AI at its core. It will bring quality jobs to our people, accelerate our industrial competitiveness, and revitalize our economy,” suno sa presidente.
Ang U.S.-led 23-member Pax Silica Initiative amo ang maga-establisar sang Pax Silica Industrial Hub, isa ka AI-driven manufacturing kag logistics center sa idalom sang Luzon Economic Corridor.
Talalupangdon nga wala sang may nagpalakpak ukon nag-react sang ginhambal ini ni Marcos.
Nahibaluan nga madamo ang nagapakamalaot sa amo nga plano bangud sang potensyal nga malain nga epekto sa palibot ilabi na sa tubig amo man ang mataas sini nga demand sa enerhiya.# –Photo by Michael Varcas
