ILOILO CITY – Nagpanawagan sa gobyerno sang Pilipinas ang Canadian kag Netherlands Embassies nga maghimo sang isa ka safe environment para sa mga journalists agud nga matungdan nila ang ila responsibilidad nga wala sang kahadlok sa ila seguridad kag sa ila kabuhi.
Ini ang nangin pahayag sang duha ka mga embahada matapos nga ginluthang ang broadcaster kag columnist nga si Pervical Mabasa sang duha ka mga wala pa nakilala nga motorcycle-riding suspects sa Barangay Talon Dos, Las Piñas City.
Sa joint statement sang duha ka embahada, nagpabutyag sila sang dako nga kabalaka sa kamatayon ni Percival kag nagapalab-ot sang simpatiya sa iya nabilin nga pamilya kag mahal sa kabuhi.
Ang duha ka embahada ang co-chairs sa Media Freedom Coalition sa Pilipinas.
Ang statement sang duha ka mga embahada ang ginsuportahan man sang embahada sang France.
Suno naman sa National Union of Journalists of the Philippines, si Mabasa ang ikaduha na nga journalist nga ginpatay sa idalom sang Marcos administration.
Samtang, nagtukod na ang Philippine National Police sang special investigation task force agud nga magtutok sa kamatayon sang journalist.
Mangin ang National Bureau of Investigation ang maga-imbestigar man sa natabo nga krimen.
