PAVIA, ILOILO – Ginkakibot ni anay Iloilo Provincial Administrator Manuel ‘Boy’ Mejorada ang pagtrato sa iya otoridad sang siya ang gindakop sa iya puluy-an sa Parc Regency Subd., Brgy. Balabag, Pavia, Iloilo bangud sa kaso nga cyberlibel.
Sa interview sang Bombo Radyo kay Mejorada, iya ginpahayag nga kaangay nga akig sa iya si Police Major Jonathan Pinuela sang Provincial Special Operations Group (PSOG) sang siya ang gindakop.
Suno kay Mejorada, ginhan-an siya nga gabutan sang armas ni Pinuela apisar nga wala man siya nagbato.
Ginpilit siya nga mag-upod suno kay Mejorada, gintakdan sang posas kag gindala sa Pavia Municipal Police Station.
Dugang pa sang natungda, naghambal man ang pulis nga dakpon man ang iya abogado.
Bag-o gindakop, nagapahuway siya suno kay Mejorada sang may babayi nga nagpakilala sa iya kag nagpangayo sang bulig apang ginkakibot niya sang hinali lang siya nga ginserbehan sang warrant of arrest.
Ginalauman naman niya suno kay Mejorada ang pag-abot sang warrant of arrest batok sa iya bangud napasaka na sa korte ang nasambit nga kaso
