Ginhingadlan si Kathryn Bernardo bilang Best Actress sa FAMAS Awards 2024 kasunod sang iya performance sa pelikula nga “A Very Good Girl.”
Ginbaton sini ang tropeo kadungan sang awards night sa Fiesta Pavilion sa Manila Hotel kagab-i, Mayo 26.
Ang iban pa nga mga aktres nga ginkonsiderar para sa amo nga award amo si Maricel Soriano para sa “In His Mother’s Eyes,” Charlie Dizon para sa “Third World Romance,” Marian Rivera para sa “Rewind,” Sharon Cuneta para sa “Family of Two,” kag Eugene Domingo para sa “Becky & Badette.”
Sa pihak nga bahin, nabaton naman nanday Alfred Vargas (Pieta) kag Piolo Pascual (Mallari) ang Best Actor trophy bangud sa ila performances sa ila tagsa ka pelikula.
Ang iban nga nominees nga ila nalutos amo sanday Cedrick Juan sa “Gomburza,” Ken Chan sa “Papa Mascot,” Dingdong Dantes sa “Rewind,” kag Alden Richards sa “Family of Two.”
Sanday Gloria Diaz kag LA Santos naman ang Best Supporting Actress kag Best Supporting Actor kasunod sang ila mga pelikula nga “Mallari” kag “In His Mother’s Eyes.”
Kilala ang FAMAS Awards nga tuigan nga awarding event nga gina-organisar sang Filipino Academy of Movie Arts and Sciences.
