Ginhingyo ni Pope Leo XIV nga tapuson na ang kalakasan sa Iran kag sa Middle East kag maghatag na sang ligwa para sa pag-istoryahanay sang mga lideres.
Sa Sunday Angelus, gin-imbitar man sang Santo Papa ang 1,500 ka mga tumuluo nga nagkadto sa St. Peter’s Square sa Roma nga magpangamuyo nga mag-untat na ang bombahanay sa amo nga mga lugar.
Kun matigayon ang dayalogo suno kay Pope Leo XIV, mabatian na ang tingog sang mga tawo.
Suno pa sa iya, kun magpadayon ang gyera, mas magalapta man ang kahadlok kag ang kaakig, kag ginakahangaw-an nga mas magasangkad pa ini nga gamo sa iban nga pungsod sa rehiyon lakip na sa Lebanon.
“Alongside the episodes of violence and devastation and the widespread climate of hatred and fear, there is also growing concern that the conflict could spread and that other countries in the region, including dear Lebanon, could once again sink into instability,” suno kay Pope Leo.
“Let us raise our humble prayer to the Lord that the roar of bombs may cease, that weapons may fall silent, and that space may be opened for dialogue in which the voices of peoples can be heard,” dugang sini.
Sang nagligad nga Angelus, nagpabutyag man sang kahangawa si Pope Leo sa sitwasyon sa Iran kag sa Middle East halin sang nag-atake ang US kag Iran nga ginbalusan man sang Tehran.
“Stability and peace are not built with mutual threats, nor with weapons, which sow destruction, pain, and death, but only through a reasonable, authentic, and responsible dialogue,” kabahin sang nauna nga pahayag sang Santo Papa.
