ILOILO CITY – Nagapadayon ang filming sang pila ka scenes sang Netflix mini-series nga “A Love to Kill” sa syudad kag probinsya sang Iloilo.
Ang ini nga mini-series ang isa ka Filipino remake sang South Korean TV series nga “A Love to Kill”.
Sa interview sang Bombo Radyo kay Ronny Poblacion, behind the scenes photographer kag videographer sang filming sang nasambit nga mini-series, iya ginpahayag nga madamo sang historical sites kag modern infastructures sa Iloilo ang nakita sang producers nga ‘photogenic’ kag ‘perfect’ para sa nasambit nga proyekto.
Dugang pa ni Poblacion, may yara sang duha ka team nga dungan nga naga-film sa nanari-sari nga location.
Nakatapos na ang team sa filming sa Janiuay Cemetery, ang ginakabig nga most artistic cemetery sa pungsod.
I-feature man ang Calle Real, ang Angelicum School kag sa pila pagid ka mga historical sites sa syudad kag probinsya sang Iloilo.
Kabahin sang casting sang amo nga mini-series ang hunk actor kag action star Ian Veneracion, sexy actress nga si Andrea Torres, Ilonggo actor nga si Joel Torre, Miss Grand International 2016 1st Runner-Up Nicole Cordoves, aktor nga si Pepe Herrera kag iban pa.
Ginapahayag man nga mangin kabahin sang casting ang Ilongga beauty queen nga si Miss Universe Philippines 2020 Rabiya Mateo.
