ILOILO CITY- Ang Flo Water Resources Iloilo, Inc. lamang ang nagaisahanon nga bulk water supplier nga naga-suplay sang tubig subong sa Metro Pacific Iloilo Water.
Ini matapos nag-untat ang Prime Water sa pag-supply sang tubig.
Sa interview sang Bombo Radyo kay Iloilo City Mayor Jerry Treñas, iya ginpahayag nga padayon ang Flo Water sa pag-suplay sang
20,000 cubic meters sang tubig adlaw-adlaw.
Suno kay Trenas, sa masobra 30,000 cubic meters nga kinahanglan sang syudad adlaw-adlaw, ang 10,000 cubic meters kuntani ang dapat maghalin sa Prime Water.
Nahibaluan nga nagtanyag ang Flo Water nga baklon nalang ang linya sang nag-shut down nga bulk water supplier agud magamit kag ma-improve ang serbisyo sa mga konsumidor.
Nagtanyag man ang Flo Water sa Metro Pacific Iloilo Water nga magdugang sang 20,000 cubic meters nga suplay apang wala pa sang positibo nga response ang Metro Pacific.
Nagalaum naman ang alkalde nga may yara na sang development sa ginatanyag sang Flo Water sa Metro Pacific Iloilo Water kag sa Prime Water.
