ILOILO CITY – Magapadulong sa Pilipinas si Chinese State Councilor kag Foreign Minister Qin Gang para sa isa ka official visit humalin sa Abril 21-23.
Suno sa Department of Foreign Affairs, si Qin ang magabisita sa pungsod kasunod sang imbitasyon ni Foreign Affairs Secretary Enrique Manalo.
Ang pagbisita sang opisyal ang kabahin sang serye sang high-level interactions sa tunga sang China kag Pilipinas.
Ang duha ka mga opisyal ang ginalauman nga magabayluhanay sang panan-awan sa resulta sang Philippines-China Foreign Ministry Consultations and Bilateral Consultations Mechanism on the South China Sea nga liwat nga ginhiwat sa Manila sang nagligad nga bulan.
Ini ang labing una nga engagement ni Qin sa Pilipinas humalin nga gin-appoint ini bilang Foreign Minister kag State Councilor sang December 2022 kag March 2023.
