ILOILO CITY- Gin-appoint ni Iloilo City Mayor Jerry Treñas bilang bag-o nga executive assistant to the mayor sanday former City Councilors Jojo Javellana kag Mandrei Malabor.
Gin-anunsiyo sang alkalde ang amo nga appointments sa duha ka anay konsehal sa ginpatigayon ng flag-raising ceremony.
Sa interview sang Bombo Radyo kay Mayor Treñas, iya ginpahayag nga si Javellana ang maga-focus sa mga programa sa mga barangay samtang si Malabor ang magabulig sa City Social Welfare and Development Office.
Nahibaluan nga sang nagapungko pa nga konsehal, nangin chairman sang Committee on Market sa City Council si Malabor.
Nagpungko naman nga chairman sang Games and Amusement kag Police Matters si Javellana.
Matandaan nga lunsay napaslawan ang duha sa ila tuyo nga magpa-reelect sang nagligad nga eleksyon.
