Nakulangan si anay Kabataan Partylist Rep. Raoul Manuel sa nangin kaundan sang mensahe ni President Ferdinand Marcos Jr., sa iya State of the Nation Address, kahapon nga adlaw, Hulyo 27.
Ini matapos ginphayag sini nga wala nalab-ot sang presidente ang ekspektasyon sang mga pumuluyo nahanungod sa mga isyu sa sulod sang pungsod.
Suno kay Manuel, dismayado sya bangud ginsuguran ni Marcos sa dako nga isyu ang iya SONA, apang nangin “waley” lang ini, bangud ginpakigbahin sang presidente nga P25 Million pa lang ang narekober sang gobyerno sa bug-os nga P1 Trillion nga ginkawat pinaagi sa flood control scandal.
Base ini sa datos nga ginpaguwa sang anay Senate Blue Ribbon Committee Chair nga si Panfilo Lacson.
Dugang pa sang anay kongresista, 2.5% lang gid sa mga ginkawat ang narekober, rason nga wala man sa gihapon ini sang dako nga pagbag-o ukon nangin development.
