ILOILO CITY- Ginakabig sa gihapon ni anay Senator Franklin Drilon nga legacy project niya ang 680 million pesos nga Ungka Flyover sa pihak sang mga problema nga ginapangatubang sini.
Sa interview sang Bombo Radyo kay Drilon, iya ginpahayag nga wala niya ginasikway ang proyekto kag apisar may mga problema, ginakabig niya ini nga solvable problem nga gina- address na sa subong.
Suno sa anay senador, ginduso niya kag ginpangitaan sang pondo ang proyekto bangud tinutuyo niya nga mangin matalunsay ang pagbyahe sang mga tawo.
Gin-ako sang natungdan nga dismayado gid man ini apang positibo ini nga mahimuan sang paagi nga makay- o ang flyover para magamit gilayon.
Suno pa sa iya ,wala gid man sang perpekto nga sitwasyon kag ang importante amo nga maka-recover ang proyekto.
Samtang ginarespeto naman niya ang tikang sang grupo ni Councilor Plaridel Nava nga pagpasaka sang kaso batok sa Department of Public Works and Highways kag sa kontraktor nga International Builders Corporation.
