ILOILO CITY – Updan sang France ang Britanya sa pag-suplay sa Ukraine sang long-range cruise missiles nga maka-travel sang 250 km.
Bangud sini, mahimo na nga ma-igo sang Ukranian forces ang Russian troops.
Suno sa presidente sang France nga si Emmanuel Macron, nagdesisyon ini nga pabaskugon ang military aid sa Ukraine kadungan sang iya pag-abot sa summit sang 31-member North Atlantic Treaty Organization alliance sa Lithuania.
Sa isa ka French diplomatic source, 50 ka mga SCALP missiles nga gin-produce sang European manufacturer nga MBDA ang ihatag sang France.
Ini ang magahalin sa existing French military stocks suno sa isa ka French military source.
Sang nagligad, nag-suplay man ang Paris sang Mistral shoulder-launched anti-aircraft missiles sa Ukraine kag Crotale short-range anti-air missiles nga gingamit sa pag-intercept sang low-flying missiles kag aircraft.
Ang Ukraine ang madugay na nga nagapangayo sang longer-range missiles apang ang main supplier nga Estados Unidos ang wala pa nagpasugot nga mag-suplay sa ila.
