Madamo sa aton ang pat-od nga paborito ang mga sud-an nga ginalakipan sang ingredient nga gata sang lubi.
Kaangay na lamang sang utan nga tambo, ginat-an nga pantat, ensalada nga langka kag iban pa.
Apang ang gata sang lubi ang indi lamang nagapanamit sang linuto bangud natukiban sang medical experts nga ini man ang epektibo nga remedyo sa pagpaniwang.
Suno kay Natalie Butler, Registered kag Licensed Dietician, ang coconut milk ukon ang gata sang lubi ang may yara sang medium-chain triglycerides (MCTs), nga naangot sa weight loss ukon pagpaniwang.
Ang MCTs ang nagastimulate sang enerhiya pinaagi sa proseso nga ginatawag nga thermogenesis, ukon heat production.
Pahayag ni Butler, ang MCTs nga yara sa gata sang lubi ang responsable sa pagbalanse sang gut microbiota sa lawas sang tawo nga nagapalikaw sa obesity.
Ang MCTs ang nagapadugang man sang insulin sensitivity nga nagapromote sang weight loss.
Ang insulin suno sa doktor amo ang isa ka essential hormone nga nagabreak down sang glucose kag nagakontrol sang blood sugar levels.
Magluwas sa pagpaniwang, nagapaboost man sang immune system ang gata sang lubi bangud manggaranon man ini sa lauric acid nga puno sang antimicrobial kag anti-inflammatory properties.
