Napabilin sang Pilipinas nga perpekto ang record sini, 4-0, sa pagtakop sang katapusan nga assignment sa Fiba Asia Cup 2025 Qualifiers sa Mall of Asia Arena sa Pasay City.
Gintambakan sang Gilas ang Hong Kong, 93-54, sa ila ikaduha na nga pagkitaay sa sini nga qualifying tournament.
Gin-unahan nanday June Mar Fajardo kag Kai Sotto ang pagpuntos para sa team tubtub nga nalab-ot sang mas bataon nga big man ang panibag-o nga double-double nga 12 points kag 15 rebounds samtang may 14 points kag eight rebounds naman si Fajardo.
Madamo naman ang naham-ot bangud ginasinggitan sang fans nga pahampangon si Dwight Ramos nga ginbangko ni Coach Tim Cone. Sang ulihi, ginklaro sang coach nga bangud ini sa calf problem nga indi na nila gusto maglala pa.
Nagapanguna ang Gilas sa Group B bangud sa undefeated record sini lakip na ang pag-upset sini sa New Zealand sang nagligad nga gab-i.
Para nga pormal nga maka-qualify ang Gilas sa FIBA Asia Cup sa Saudi sa Agusto 2025, kinahanglan anay nga lutuson sang Tall Blacks ang host nga Chinese Taipei karon sa hapon (Manila time).
The Scores:
Philippines 93 – Tamayo 16, Fajardo 14, Brownlee 13, Sotto 12, Perez 10, Newsome 9, Quiambao 8, Thompson 8, Amos 3, Oftana 0, Aguilar 0.
Hong Kong 54 – S. W. Leung 11, Xu 10, Yang 9, Tsai 8, Reid 6, Yip 4, Pok 3, K. H. M. Leung 3, Yeung 0, Hon 0, Tang 0
Quarters: 25-16, 45-35, 67-43, 93-54.
