ILOILO CITY- Patay ang isa ka ginaalegar nga durugista matapos ginapahayag nagbato sa mga otoridad sa ginpatigayon nga drug buy bust operation sa Barangay Sapao, Dumangas, Iloilo.
Ini amo si Gerald Joseph Ruben, residente sang Oton, Iloilo.
Nag-angkon ini sang tatlo ka igo sang pagpaluthang sa diin napuruhan ini sa dughan nga amo ang gintunaan sang iya kamatayon.
Sa interview sang Bombo Radyo kay PSSgt. Ramon Baylon, imbestigador sang Dumangas Municipal Police Station, iya ginpahayag nga madugay man nga gina-monitor ang biktima antes natigayon ang operasyon.
Suno kay Baylon, nagdangat sa P2 million ang balor sang illegal nga droga nga nakuha sa posisyon sang subject.
Ang mga shabu nga narekober ang may yara sang pangalan sang mga banwa sa diin ginapatihan i-deliver sang subject.
Lakip sa mga banwa amo ang Pototan, Mina kag Janiuay.
