ILOILO – Madamo pa sang kakulangan ang Bureau of Quarantine kag Iloilo International Airport sa pagmonitor sang mga nagasulod kag naggwa sa Iloilo.
Sa interview sang Bombo Radyo kay Governor Defensor, iya ginpahayag nga magatambong siya kun tani sang pagsinapol kaupod ang Department of Budget sa Manila apang pag abot niya sa Airport na desisyonan niya nga inspeksyunon ang Bureau of Quarantine sa Iloilo International Airport.
Suno sa gobernador sa iya nga pag tsekyar sa Bureau of Quarantine sila mismo ang aminado nga madamo pa sila sang dapat nga kay uhon kag mga kakulangan nga dapat pun an.
Dugang sang natungdan, base sa iya pag inspeksyon nagakadapat nga may record ang Bureau of Quarantine sa mga nagasulod sa Iloilo agud padayon sila nga mamonitor bangud indi gilayon nga nagaggwa ang simtomas sang nasambit nga balatian.
Santo sa pahayag sang natungdan, nagadakapat man nga mangin aktibo ang mga barangay kag municipal officials lakip na ang mga hotel managements sa pag monitor sang ila mga residente kag costumers.
Sa subong nagpapanaog na ni Governor Arthur Defensor para sa hugot nga pagbantay sang Coronavirus nga nagikan sa Wuhan, China.
