ILOILO – Dismayado si Guimbal Mayor Oscar Garin sa nangin desisyon sang Department of Health 6 nga kabigon nga Persons Under Monitoring ang tanan nga pumuluyo sang Guimbal.
Sa interview sang Bombo Radyo kay Garin, iya ginpahayag nga indi pa nila masarangaran pakan-on kag saguron ang masobra sa 30,000 nga pumuluyo sa Guimbal sa tion nga ipaidalom sila sa lockdown ukon kabigon sila nga PUM.
Suno kay Garin, posible nga mas madamo pa ang mapatay sa kakulba kag gutom sa tion nga ipatuman ini sang alang-alang.
Naghingyo man ang natungdan kay Department of Health 6 Regional Director Marlyn Convocar nga maghalong sa iya mga implikasyon bangud mahimo lang ini nga makatuga sang pagpanic mga tawo.
Dugang sang natungdan, mahimo nga tun-an ini anay sang nasambit nga ahensya antes ipatuman.
Naghingyo naman ang alkalde sa tanan nga pumuluyo sang Guimbal nga magkooperar sa mga pagsulundan nga ginahatag nila bangud para man ini sa kaayuhan sang tanan.
