Pasado na sa final reading sa Kamara ang hagna nga ginduso agud i-suspend ang paggamit sang mother tongue bilang medium of instruction sa mga klase sa kindergarten tubtub sa Grade 3.
240 ka mga mamalidha ang nagpabor sa House Bill No. 6717, duha ang nag-abstain, samtang tatlo naman nga lunsay halin sa Makabayan bloc ang nag-pamatok.
Ginduso ang amo nga hagna bangud ginpahayag kulang ang learning materials nga nasulat sa mother tongue language sa mga eskwelahan.
Ang mother tongue amo ang native language ukon ang communication nga nadak-an sang bata ukon ginatudlo sa ila nga balay.
Gin-base ang hagna sa premise nga ang suspensyon sa paggamit sang mother tongue ang makabulig sa Department of Education nga makapangita sang dugang nga materyales agud nga mapatuman sang maayo ini nga medium of instruction.
Sa idalom sang amo nga hagna, gina-require man ang Department of Education kag ang Komisyon ng Wikang Filipino nga i-assess kun ano nga school districts ang maka-fully implement sang mother tongue-based instruction kag kun ano nga localities ang may yara sang masobra isa ka native language.
Ini nga hagna ang gin-file nanday Majority Leader Mannix Dalipe, basic education committee chairman Roman Romulo, higher education panel chairman Mark Go, kag Representatives Gus Tambunting (Parañaque 2nd District) kag Ria Vergara (Nueva Ecija 3rd District).
Wala pa sang counterpart bill nga na-file sa Senado. ##
