Ginpatunog liwat ang mga sirena sa Tel Aviv kag sa pila ka parte sang central Israel bangud sang mga rockets nga ginpalupad halin sa Rafah area sang southern Gaza.
Ginkumpirma sang Israel Defense Forces nga walo ka rockets ang napalupad kag nakatabok sa Israel apang ini ang na-intercept.
Ini ang labing-una nga tion nga napalupadan ang rockets ang capital city sang Israel halin sang ulihi nga bahin sang Enero subong nga 2024.
Sunod man nga gin-claim sang Hamas militants nga sila ang responsible sa rocket attack sa Tel Aviv. Suno sa ila military wing nga Izzedine al-Qassam Brigades, ini nga atake amo ang sabat sa pag-massacre sang Israel sa mga sibilyan.
Gindungan ini sang militante sa military operation sang Israel sa Rafah apisar pa nga may mandu na ang International Court of Justice ukon ang pinakamataas nga korte sa United Nations nga dapat untaton na sang militar ang ila opensiba sa amo nga lugar.
Ini nga atake sang Hamas ang natabo man antes ang ginalauman nga pagbalik sang negosasyon para sa ceasefire sa Israel-Hamas war sa masunod na kuntani nga semana.
