Ginkondena ni Pope Leo XIV ang pila ka mga lider nga ginagamit ang gahom agud mag-umpisa sang pag-ilinaway kag pag-guba sang mga pungsod.
Ini ginpahayag sang Santo Papa sa iya pagbisita sa Cameroon, Central Africa bilang kabahin sang iya 11 ka adlaw nga apostolic journey sa Africa.
Sa iya nga speech sa Bamenda, isa ka lugar nga apektado sang halos dekada na nga armado nga pag-ilinaway, ginpahayag sang Santo Papa nga ang iban nga tawo ginagamit ang relihiyon kag pangalan sang Diyos para sa personal nga interes sa military amo man sa interes sa ekonomiya kag pulitika.
Kadungan ini sang nagapadayon nga pagbaslanay sang pahayag sa tunga sang Santo Papa kag ni US President Donald Trump.
Sa pagbisita sang Santo Papa sa Africa, nagpanawagan naman ini sa mga lider nga batuan ang korapsyon kag pag-abuso sang kinamatarong sang mga tawo.
