Handa naman ang Philippine National Police nga batunon sa ila kustodiya si anay Ako Bicol Rep. Zaldy Co kun makapauli ini sa Pilipinas.
Ginpahayag ni PNP Chief PGen. Jose Melencio Nartatez Jr. nga nagapakig-angot na sila sa mga partikular nga ahensya kaangay sang Department of Foreign Affairs para sa kinahanglanon nga legal kag diplomatic processes.
Ginpasalig man sang PNP nga sundon ang tanan nga existing laws kag due process sa pag-uyat sang kaso.
Nahibaluan nga nagpahayag na si DILG Secretary Jonvic Remulla nga ipaidalom sa booking kag documentation procedures ang anay kongresista antes ini ipresentar sa Sandiganbayan.
