Magabukas ang polling precincts 6:00 sa aga kag maga-akomodar sang mga botante tubtub 7:00 sa gab-i.
Kun may mga botante pa nga nagapila pagpatak sang 7:00 sa gab-i, akomodaron gihapon sila sa presinto sa kondisyon nga within 30 meters ang distansya nila gikan sa polling place.
Indi required apang gina-encourage sang Comelec ang pagdala sang ID agud ma-address ang posible isyu nga naga-concern sa identity sang botante ukon appearance sa Election Day Computerized Voters List (EDCVL).
Kun mapirmahan na ang EDCVL, mabaton sang botante ang balota kag antes magbiya sa electoral board desk, dapat nga i-inspect kun may yara sang shades ukon iban nga marka.
Magsuksok sang mask.Indi required ang face shield. Indi man required ang COVID-19 vaccine cards amo man ang negative RT-PCR ukon antigen test result.
Kun makitaan sang COVID-like symptoms ang botante ukon makadangat sa 37.5 C (ukon mas mataas pa) ang temperatura, pwede gihapon nga makaboto apang ibutang ang botante sa isolation polling precinct.
Dapat nga i-obserbar ang health protocols sa tanan nga tion.
Pwede suksukon ang bisan ano nga color sang bayo, apang ginadumilian ang pagsuksok sang panapton nga may pangalan ukon nawong sang kandidato bangud makabig ini nga isa ka sahi sang pagpangampanya.
Magdala sang kodigo, ukon listahan sang napilian nga mga kandidato agud nga indi na magtanga sa presinto.
Wala ginadumilian ang smartphones sa mga polling precincts, apang INDI PWEDE gamiton agud nga malikawan ang alegasyon nga ginapicturan ang balota.
INDI PWEDE MAG-PICTURE SA BALOTA bangud makabig ini nga election offense.
Pwede gid nga ma-review sang botante ang voting receipts apang indi pwede kuhaan sang picture.
Gina-discourage man ang mga botante nga mag-selfie sa sulod sang presinto.
Indi na pagbutangi sa unnecessary marks ang balota.
Indi pag-gisia, indi pagbas-a agud mabaton sang vote-counting machine (VCM).
Tubtub lang sa apat ka beses ang tyansa nga ma-feed sang botante ang iya balota sa VCM.
Kun i-luad sang machine, ang teacher nga kabahin sang electoral board amo ang maga-retrieve sang balota kag dapat na nga paguwaon ang botante.
Ang tanan nga makatapos na sa pagboto ang markahan sang indelible ink sa right forefinger nail antes magbiya sa presinto.
