Atensyon sa mga luyag nga mangin masunod nga Miss Universe Philippines.
Basi ikaw na ang mangin successor ni reigning Miss Universe Philippines titleholder Rabiya Mateo.
Ginkakas na sang Miss Universe Philippines organization ang height requirement bilang kabahin sang qualifications sa mga kandidata.
Sa facebook page sang organisasyon, pila sa mga requirements agud nga ma-qualify para sa 2021 batch sang Miss Universe Philippines contestants amo nga dapat Filipino citizen kag Philippine passport holder.
Ang ini nga mga aplikante ang indi magnubo sa 18 anyos kag indi maglapaw sa 28 anyos ang edad sa tion sang pageant.
Nahibaluan nga sa Hunyo 24, 2021 na ang deadline sang application.
