ILOILO CITY – Ginpasabat ni Iloilo Police Provincial Office (IPPO) director Police Colonel Adrian Acollador si Police Lieutenant Dionisio Estacio, ang hepe sang San Joaquin Municipal Police Station sa pag-aresto sang mistaken identity sang Agosto 30.
Sa interview sang Bombo Radyo kay Police Senior Master Sergeant Francisco Lindero, Jr., spokesperson sang IPPO, may yara gid lamang sang 24 ka oras si Estacio nga magpasa sang iya written explanation may kaangtanan sa ginpa-Bombo sang tiya sa pag-aresto kay Leogin Sapan sa Barangay Bolho sa amo nga banwa apisar nga ang subject sang arrest warrant amo ang iya utod nga si Lorecito Sapan bangud sang kaso nga frustrated murder.
Suno pa kay Lindero, ginpahayag sang direktor nga posible nga magapangatubang sang kriminal kag administrative case ang pag-aresto kag ang pag-detain sang tawo nga wala sang sala ukon kaso.
Bangud sini, liwat nga nagpaandam ang IPPO sa mga personnel ilabi na sa mga chiefs of police kag force commanders nga pat-uron anay ang impormasyon sa pagpatigayon sang police operation.
Kung madumduman, ginpa-Bombo sang pamilya ni Leogin Sapan ang San Joaquin PNP bangud sa pagdakop sa iya kag ginlupot sa presuhan bangud gintudlo ini nga suspek sa krimen apisar nga ang magulang sini nga si Lorecito Sapan ang nakasulat sa warrant of arrest.
