ILOILO CITY- Ginrekomendar sang Office of the Building Official nga ipa- demolish ang isa ka heritage building sa dalan Iznart.
Sa interview sang Bombo Radyo kay Engineer Mavi Gustilo, department head sang Office of the Building Official, iya ginpahayag nga ini ang base sa ila visual assessment nga ginahimo sang talatapan.
Suno kay Engineer Gustilo, 39 ka mga heritage buildings na ang ila nasuroy sa dalan Iznart, JM Basa, Ledesma, Aldeguer kag Arroyo.
Sa sini nga buildings, 17 ang nagakinahanglan sang gilayon nga structural assessment halin sa private nga structural engineer nga magadeklarar kun ang building ang nagasanto pa sa minimum standards sang isa ka building.
Nahibaluan nga sang damlag lang, nagpatigayon sang pagsinapol ang opisina ni Mayor Jerry Treñas kaupod ang mga building owners kag pito ang napadal- an sang sulat para magpa- assess sang building kag natigayon nga ma- identify nga kinahanglan sang retrofitting.
Paathag ni Gustilo, tuigan nga nagapatigayon sila sang inspection apang wala man nahatagan sang atensyon sang mga building owners apang subong, nagmando ang alkalde nga kun indi mag- comply ang mga owners, dagdagan sila sang closure order sang Business Processing and Licensing Division.
