Nakahimo sang upset ang world no. 88 nga Alas Pilipinas batok sa World No. 21 kag powerhouse team nga Egypt sa ila sambuwa sa 2025 FIVB Men’s World Championship subong nga gab-i, Septyembre 16.
Ini ang una nga set kag match win sang Pilipinas sa FIVB Worlds.
Nahimo ini sang national team matapos ang four sets batok sa defending African champions, 29-27, 23-25, 25-21, 25-21, sa preliminary round sang tournament sa Mall of Asia Arena.
Nanguna sa team ang captain nga si Bryan Bagunas nga may 23 points.
Nabutang na sa 1-1 ang standing sang host nation sa Pool A. Sunod sini nga makasumpong ang world no. 13 nga Iran sa Byernes, Septyembre 18.
Antes sini nga match, nalutos ang Alas sa imbukada nga hampang kag sa debut sini sa FIVB Worlds sa kamot sang World No. 43 nga Tunisia, 13-25, 17-25, 23-25.
