ILOILO CITY – Nagalaum ang House of Representatives nga ma-aprubahan na ang ginaduso nga national budget para sa 2024 antes ang break sang Kongreso sa Oktubre.
Suno kay House Speaker Martin Romualdez, may impormasyon nga magapasa si President Bongbong Marcos sang 2024 budget kag national expenditure program isa ka semana pagkatapos sang State of the Nation Address.
Sa tion nga madayon, sigurado nga matapos na ang budget antes ang October break.
Una na nga gin-aprubahan sang presidente ang ginaduso nga ₱5.768-trillion budget para sa masunod nga tuig kun sa diin, mas mataas ini sang 9.5% kun ipa-anggid sa ₱5.268 trillion nga budget subong nga 2023.
Suno sa Department of Budget and Management, nagaplano sila nga magpasa sang proposed national budget sa Kongreso isa ka semana pagkatapos sang ikaduha nga State of the Nation Address sa Hulyo 24.
Suno kay Romualdez nga pakaisa sang presidente, ang lower chamber ang naga-average sang lima ka bulan sa pagtrabaho kag pag-deliberate sang national budget.
Dugang pa niya, ang matalunsay nga pagpasar sang proposed 2024 national expenditure program ang magapahanugot kay Marcos nga pirmahan ini sa Disyembre.
