Ginhingadlan si House Speaker Martin Romualdez nga amo ang mangin caretaker sang seventh district sang Cavite matapos nga nangin kabahin sang gabinete si Representative Jesus Crispin “Boying” Remulla.
Nahibaluan nga nagapungko man bilang Leyte First District Representative si Ferdinand Martin Romualdez.
Ang motion nga nagabutang kay Romualdez bilang caretaker sang distrito ni Remulla ang ginduso ni House Majority Leader Manuel Dalipe sang Zamboanga City sa ginpatigayon nga plenary session.
Si Remulla ang sa subong nagapungko bilang tiglikom sang Department of Justice.
Ang pag-eleher kay Romualdez bilang caretaker sang seventh district sang Cavite ang kasunod sang ginpangalanan na sang Kongreso ang chairpersons sang pila ka mga major committees.
