Ginkastigo sang isa ka hubog nga lalaki ang isa ka tigulang nga lalaki nga nagpamalibad nga makighilawas sa iya.
Ang suspek amo si Bryan Fernandez, 26 anyos samtang ang biktima amo si alyas June, 61 anyos, lunsay mga residente sang Veterans Village, Iloilo City Proper.
Sa interview sang Bombo Radyo kay Brgy. Kagawad Albert Susbilla sang nasambit nga lugar, iya ginpahayag nga naabtan nalang nila nga ginatapungol na ni Fernandez ang tigulang nga daw haluson makabato.
Sa pagpakig-angot naman sang Bombo Radyo sa biktima nga si alyas Jun, iya ginpahayag nga ginhagad siya ni Fernandez nga magpakighilawas apang sang nagpangindi ini, siya ang hinali lang nga ginsapote sang suspek.
Nakaangkon sang menor nga kapilasan ang biktima nga ginapahayag may pagkababayen-on.
Preso naman sa Police Station 1 si Fernandez.
