Nagpaandam si International Criminal Court ukon ICC President Tomoko Akane batok sa posible nga paghina sang international rule of law matapos ini madagdagan sang sanctions sang Estados Unidos.
Suno pa kay Akane, ginalauman sini ang amo nga tikang sang U.S, apang ginpunto sini nga importante sa gihapon nga indi ini ang mangin rason sa pag-umpisa sang dalayon nga pagkadula sang respeto sa international rules.
Sa matandaan nga sang Martes nga adlaw, Agosto 18, ginpaidalom sa sanction si Akane sang Trump Administration amo man ang abogado nga si Abdoulaye Seye sang Senegal.
Kabahin sa mga epekto sini amo ang pagdumili sa ila sa pagsulod sa Estados Unidos kag pagpatigayon sang transaksyon sa mga financial system sang pungsod.
Suno sa administrasyon sang U.S., ang ICC isa ka “corrupt and fatally politicized” nga institusyon.
Samtang, gintawag naman sang ICC ang sanctions nga isa ka hayag nga pag-atake sa kahilwayan sang korte.
Ang ini nga mga bag-o nga tikang sang Washington ang kasunod sang nauna nga sanctions batok sa opisyal sang ICC kun sa diin gina-angot sa mga imbestigasyon sang korte nga may konekson sa Israel nga isa sa mga nga nagapanguna nga kaalyado sang Estados Unidos.
