ILOILO CITY- Gin-athag sang pamunuan sang Iloilo City Police Office nga wala sang koordinasyon sa ila ang Land Transportation Office may kaangtanan sa temporary driver’s license nga nakaimprinta lang sa papel.
Ini may kaangtanan sa reklamo sang isa ka motorista nga ginsita ini sang personnel sang Iloilo City Police Office bangud wala ini sang may mapakita nga colored driver’s license sa checkpoint.
Sa interview sang Bombo Radyo kay PCol Joeresty Coronica, director sang Iloilo City Police Office, iya ginpahayag nga nahangpan niya ang aktwasyon sang police officer.
Suno kay Coronica, kuntani sa bahin sang Land Transportation Office, mas maayo nga may patigayunon nga koordinasyon sa Iloilo City Police Office angot sa nasambit nga driver’s license nga gina-isyu.
Una na nagpasalig ang Land Transportation Office nga magapakig-angot sa Philippine National Police bilang kabahin sang information dissemination kaangot sa kakulang sang plastic driver’s license cards.
