ILOILO CITY- Masako na ang preparasyon sang Iloilo City Police Office para sa nagahilapit nga face to face Dinagyang Festival 2023.
Sa interview sang Bombo Radyo kay Pcol Leo Batiles, director sang Iloilo City Police Office, iya ginpahayag nga mas maayo nga temprano pa, maplastar na ang patigayunon nga security measures.
Suno kay Batiles, importante man nga indi maoverwhelm ang mga kapulisan ilabi pa nga ginalauman ang pagdagsa sang madamo nga tawo.
Pahayag sang director, kinahanglan man nga maplanuhan sang maayo ang deployment sang kapulisan agud wala sang matabo nga shortage sang personnel sa tion sang festival.
