Nakahanda na ang Iloilo City Police Office para sa pagsugod sang pagpatuman sang weekend block off sa syudad sang Iloilo subong nga adlaw.
Sa interview sang Bombo Radyo kay Pol Capt Shella Mae Sangrines, tagapamaba sang Iloilo City Police Office iya ginpahayag nga kun mahimo likawan gid nila ang magpang-aresto kag magpasaka sang kaso sa mga nagalapas sa mga pagsulundan apang kun indi gid mahimo kag may yara sa gihapon sang madakpan nga nagalapas kag indi magpasaway pasakaan sila sang kaso matapos ang ginapangatubang nga krisis nga gintuga sang Covid-19.
Suno kay Sangrines, indi pa sila magpang-aresto sa mga nagalapas subong nga adlaw sa baylo nga warningan kag sawayon lang sila anay.
Dugang sang natungdan, lauman man nga mangin regular na ang presensya sang mga kapulisan sa palibot sang syudad sugod subong nga adlaw agud mas mabantayan ang hulag sang mga establisyemento kag sang mga pumuluyo.
Santo sa pahayag ni Sangrines, magabulig man sila sa pagpahangop sa pumuluyo may kaangtanan sa pagpatuman sang nasambit nga mandu sugod subong nga adlaw.
