Hi, Selenophiles! May astronomical phenomenon kita nga balantayan sa Nobyembre 8. May matabo nga total lunar eclipse kag mangin visible ini sa Pilipinas suno sa state meteorologists!
Suno sa Philippine Atmospheric, Geophysical and Astronomical Services Administration (PAGASA), ini nga astronomical phenomenon ang gina-forecast nga maga-umpisa sa moonrise sa 5:19 p.m.
Ang totality naman (matabo ini kun ang shadow sang earth nagatabon na gid sa bilog nga bulan) magaumpisa 6:16 sa gab-i. Matabo naman ang greatest eclipse 6:59 p.m. kag magatakop sa 7:42 p.m. Sunod naman nga matabo ang partial eclipse tubtub sa 8:49 pm kag magalawig tubtub sa 9:58 p.m.
Magluwas sa Pilipinas, makit-an man ini nga total lunar eclipse sa iban nga mga pungsod sa Asia, Australia, North America, iban nga bahin sang Northern kag Eastern Europe, kag kadam-an nga bahin sang South America.
Iga-livestream man sang Pagasa Astronomical Observatory ini nga tumalagsahon nga event paagi sa ila nga official Facebook kag Youtube channel.
Suno sa National Aeronautics and Space Administration (NASA), nagakatabo ang total lunar eclipse kun ang Moon kag ang Sun ang nahamtang sa exact opposite sides sang Earth. Gindugang pa nga apisar nga yara ang Moon sa shadow sang Earth, may sunlight sa gihapon nga makalab-ot sa bulan. Nagaagi ini nga sunlight sa atmosphere sang Earth nga amo naman ang naga-filter sang kalabanan nga blue light. Ini ang rason kun ngaa daw pula kun tulukon sang mga tawo sa Earth ang bulan.
Kabay pa nga indi mo ma-miss ini nga opportunity bangud wala na sang masunod nga total lunar eclipse tubtub sa 2025!
Sang November 2021, may yara man sang natabo nga partial lunar eclipse apang nangin mabudlay ang pag-observe sini sa Pilipinas bangud nag-occur ang kalabanan sang major eclipse phases sa idalom sang horizon.
Kun ikaw nakabatyag man sang unexplainable kag magical attraction para sa bulan, markahi na ang imo kalendaryo bangud mangin espesyal ini nga adlaw.
Stay wild, moon child. 
