ILOILO CITY- Nagpasar si Iloilo City Councilor Ely Estante sang resolusyon nga nagaduso sang pagpatigayon sang legislative inquiry in aid of legislation kasunod sang iya privilege speech nahanungod sa Iloilo Strait tragedy.
Suno kay Councilor Estante, ang nasambit nga resolusyon ang may katuyuan nga imbestigahan ang natabo nga trahedya.
Imbitaron sa nasambit nga imbestigasyon ang Philippine Coast Guard kag iban pa nga mga responding bodies sa natabo nga insidente.
Ginpahayag sang konsehal nga pinaagi sa legislative inquiry, ang matipon nga data ang himuon nga basehan sa pagbalay sang ordinansa nga magapa-improve sang paglayag sang mga motorbanca nga nagabyahe Iloilo-Guimaras vice-versa.
Samtang, naghatag na ang Iloilo City Government sang financial assistance sa una nga batch sang mga survivors kag pamilya sang casualties sa Iloilo Strait tragedy.
Suno kay Rose San Agustin, Executive Assistant to Social Welfare sang Iloilo City Government,kabilugan nga 19 ka mga casulaties kag 18 ka mga survivors ang hatagan sang assistance pinaagi sa emergency fund sang syudad.
Una nga nakabaton ang mga bakasyunista ukon turista nga indi taga- Iloilo.
Apat ka mga casualties ang nakabaton sang tag-10,000 pesos samtang 12 naman ka mga survivors ang nakabaton sang tag- 5000 pesos.
