Opisyal na nga ginbuksan sang Iloilo City Government ang Iloilo City Public Library nga nahamtang sa Sta. Filomena Day Care Center sa distrito sang Arevalo.
Bukas ang librarya halin las 8:00 sa aga tubtub las 5:00 sa hapon — humalin Lunes tubtub Byernes.
Sa interview sang Bombo Radyo kay Mayor Jerry Treñas, iya ginpahayag nga gina-amat amat ang pag-establisar sang district libraries agud nga mapalapit pa gid ang educational services sa mga residente sang syudad.
Ginpasalamatan man sini ang mga book donors kag partners lakip na ang Sigma Alpha Epsilon Philippines – International; UP Sigma Rho Fraternity.
Ginpadayaw man sang city goverment ang pasilidad bangud may mga computers kag Wi-Fi connection nga makabulig para sa mga naga-tuon, naga-research, kag naga-review.
Welcome ang tanan nga residente sa librarya — bata man ukon tigulang.
