ILOILO CITY- Nagpaguwa si Iloilo Governor Arthur Defensor Jr. sang Executive Order 460 ukon “An Order Implementing Quarantine Procedures and Disease Prevention and Control Measures against African Swine Fever in the Province of Iloilo”.
Ini kasunod sang pagpositibo sa African Swine Fever sang swine specimen samples gikan sa Bita Norte, Oton.
Yari ang kaundan sang Executive Order:
***Ang tanan nga city/ municipal/ barangay African Swine Fever Task Forces kag Barangay Biosecurity Officers/ Veterinary Biosecurity Officers sa pagpakig-angot sa Provincial African Swine Fever Task Force ang dapat nga magpatigayon sang monitoring, surveillance, kag investigation operations sa ila hurisdiksyon
***Ang banwa sang Oton ang kabigon nga Red ukon Infected Zone, kag sa sulod sang 10 ka adlaw humalin nga nangin epektibo ang Executive Order ukon tubtob sa Oktubre 27 ukon maglapaw pa, ang tanan nga buhi nga baboy ukon ano man nga pork products(fresh/frozen pork products kag uncooked processed pork products, magluwas sa cooked and canned processed pork products), kag swine genetic material halin sa Oton, ang indi dapat pa-gwaon sa iban nga local government units.Ang masunod nga containment measures ang dapat nga ipatuman: intensified monitoring, surveillance, investigation and test and destroy operation sa sulod sang banwa nga patigayunon sang Local African Swine Fever Task Force; dumilian ang movement sang buhi nga baboy, pork ukon pork products kag swine genetic material halin sa Quarantine Area-ang area nga tubtob one kilometer halin sa Infected Area, pakadto sa Outside Quarantine Area ukon ang area sa gwa sang 1 kilometer radius halin sa Infected Area, pakadto sa administrative boundary sang siyudad ukon banwa nga classified bilang Red/Infected Zone; ang mga public ukon delivery transport ang indi dapat magdala ukon mag-deliver sang buhi nga baboy, pork, pork products kag swine genetic materials halin sa Oton pakadto sa destinasyon sa gwa sang banwa; pagpatigayon sang Red Zone Quarantine Checkpoints sang Local ASF Task Force kag Philippine National Police
Gin-athag naman sang gobernador nga mahimo gihapon ang banwa sang Oton nga makapasulod sang baboy halin sa iban nga banwa umpisa subong nga adlaw.
Ang mga barangays nga nalakip sa one-kilometer radius halin sa ground zero ang indi makapaguwa kag makapasulod sang baboy halin kag pakadto sa iban nga banwa.
Base man sa Executive Order, may yara sang ipatuman nga zoning classifications nga ginalakipan sang mga masunod:
1.Red (Infected) zone-ang banwa ukon syudad nga may confirmed African Swine Fever cases nga amo ang banwa sang Oton
- Pink (Buffer) zone- ang banwa ukon syudad nga wala sang may na-detect nga African Swine Fever sa mga boundary areas sang Red Zone;
3.Yellow (Surveillance) zone-ang banwa ukon syudad kun sa diin wala na-detect ang African Swine Fever kag adjacent sa Pink Zone.
4.Light Green (Protected) zone- ang banwa ukon syudad nga wala sang na-detect nga African Swine Fever kag ginakabig nga moderate risk areas
5.Dark Green (Free) zone- ang banwa ukon syudad nga wala sang African Swine Fever nga na-detect kag ginakabig ng low risk
