ILOILO CITY- Nagpositibo sa COVID-19 si Iloilo Governor Arthur Defensor Jr.
Nahibaluan nga ini ang pinakauna nga bes nga nagpositibo sa balatian ang gobernador apisar nga pila ka beses na ini sadto nga nangi close contact sang pila ka empleyado sang kapitolyo nga nagpositibo sa COVID-19.
Bangud sini, ginsirado ang opisina sang gobernador subong nga adlaw agud magpatigayon sang disinfection.
Gilayon man nga nagpatigayon sang contact tracing.
Sa interview sang Bombo Radyo kay Atty. Dennis Ventilacion, provincial administrator, iya gin-athag nga wala man nag-leave si Defensor,sa baylo, naka-work from home ini.
Ang tanan naman nga transaksyon ang temporaryo nga ginpaagi sa Provincial Administrator’s Office.
