ILOILO – Nagapanguna ang probinsya sang Iloilo sa rehiyon 6 nga may pinaka madamo nga kaso sang suicide.
Sa interview sang Bombo Radyo kay Dr. Nenette Pador, pinuno sang Provincial Social Welfare and Development Office iya ginpahayag nga sa subong may yara na sang 74 nga kaso sang suicide sa probinsya sang Iloilo.
Nagapanguna diri ang syudad sang Passi, ika duha amo ang banwa sang Cabatuan kag Leon samtang nagapangatlo naman ang Sta Barbara kag Dingle
Suno kay Pador, base sa ila nga panalawsaw ang mga kabataan nga nga naga edad 10-19 ang may pinakamadamo nga kaso sang pagpanginmatay.
Dugang sang natungdan, kalabanan nga rason sang pagpanginmatay sang isa ka tao amo ang depresyon, may yara na daan sang sakit sa paminsaron, problema sa pamilya kag bullying.
Sa pihak sini nagpasalig si Pador nga nagapakig angot na sila sa pila ka mga ahensya kaangay sang Deparment of Social Welfare and Development, simbahang katolika kag iban pa agud nga matapna ang pagdamo sang kaso sang paghikog sa probinsya.
