𝗜𝗟𝗢𝗜𝗟𝗢 𝗖𝗜𝗧𝗬 – Nagbunga ang paghimakas sang isa ka Ilonggo nga estudyante matapos nag-champion sa Pencak Silat Tunggal Junior Novice Male sa Batang Pinoy 2024 nga ginpatigayon sa Puerto Princesa, Palawan.
Ini amo si Lebron James Lamayo, 14, grade 8 student kag residente sang Brgy. General Hughes-Montes, Iloilo City Proper.
Sa interview sang Bombo Radyo kay Lamayo, iya ginpahayag nga grade 3 siya sang gin-engganyo sang iya manunudlo nga maghampang sang Pencak Silat.
Suno kay Lamayo, suportado man ang iya pamilya ang iya nangin hampang.
Nangin dako man nga bulig sa iya kadalag-an ang ila mga coaches nga nagbubo sang ila tyempo agud matutukan sila sa hampang.
Nagalaom man si Lamayo nga mangin ehemplo siya sa iya kaangay nga mga kabataan nga masarangan nga mabalanse ang paghampang kag pagtuon.
