Ginaayam subong sang Federal Bureau of Investigation ukon FBI ang Ilonggo nga negosyante nga si Rey Grabato II nga nalakip subong sa listahan sang Most Wanted Fraudsters.
Si Grabato ang ginaalegar nga nang-scam sang minilyon nga balor sang kwarta gikan sa kapin 2,000 ka mga investors sa New Jersey,USA.
Suno sa FBI, gintaban ni Grabato ang kapin $650 million nga kwarta humalin sang Pebrero 2018 tubtob Enero 2022.
Si Grabato ang nagpakuno-kuno bilang presidente kag tag-iya sang realty investment company nga National Realty Investment Advisors.
Suno pa sa otoridad, gintuyo man ni Grabato nga intuon ang U.S. Internal Revenue Service agud indi mabayaran ang ginabanta $26 milyon nga mga obligasyon sa buwis nga dapat bayaran sa pederal nga gobyerno sa sulod sang 15 ka tuig.
Sang Oktubre 2022, nag-isyu ang United States District Court sa Newark sang federal warrant para sa arestuhon si Grabato.
Nagapangatubang ini sang mga charges kaangay sang securities fraud, wire fraud kag conspiracy agud intuon ang United States may kaangtanan sa tax.
Nagtanyag man ang FBI sang reward nga $150,000 sa sin-o man nga makahatag sang impormasyon para maaresto kag ma-convict ini.
