Gina-imbestigahan sa karon sang kapulisan ang natabo nga pagpatay sa isa ka Iloy kag tatlo ka mga bata sa sulod sang balay sini sa Purok 5, Barangay Litapan, Josefina, Zamboanga del Sur.
Ang mga biktima nasapwan kaina sang aga, Hunyo 29.
Ginkilala ang mga biktima nga sanday Arlene Fernan Dumalte, nanay sang mga bata, kag ang iya mga anak nga sanday Nacel, 14-anyos; En-En, 13 anyos; kag Arnel, 12 anyos.
Padayon pa nga ginapangita sang mga awtoridad kon sa diin ang amay sang pamilya sang natabo ang insidente.
Ginapatihan nga natabo ang krimen sang Sabado, Hunyo 28 apang kaina lang sang aga ini nakit-an.
Nadiskubrehan ini matapos pila na ka adlaw nga wala makit-an sang mga kasilingan sini nga nagaguwa ang mga biktima, amo man ang pagtuhaw sang malansa nga baho nga nagahalin sa sulod sang ila balay.
