Maathag para sa defense team nga ang tuyo sa likod sang pagduso sang impeachment kay Vice President Sara Duterte amo lamang ang pagkakas sa iya sa pwesto apisar nga ginpili siya sang 32-million nga mga Pilipino.
Matigdas ini nga ginpahayag ni Atty. Shiela Sison, lead defense counsel ni Duterte, sa iya opening statement sa imbukada nga adlaw sang impeachment trial kahapon, Hulyo 6.
“The present undertaking of this court not only carries the weight of the Constitution, but also the imprint of our nation’s history because the Filipino people have shown that they never forget. We, as a nation, never forget,” suno kay Sison.
Pahayag sini, 32-million nga mga Pilipino ang nagboto kay Duterte nga labaw pa sa nagboto kay President Ferdinand “Bongbong” Marcos Jr. kag labaw pa sa kay bisan sin-o nga myembro sang Kamara.
“The prosecution proposes that we unseat the vice president elected to office by more than 32 million Filipino people. More than the number of votes cast for the sitting president and much greater than any of the votes secured by each of the members of the House of Representatives who now are here to prosecute her and seek to undo this people’s choice,” suno sa defense lead counsel.
Gin-akusaran man sini ang Kamara nga naghimo sang mini trial batok kay Duterte apisar nga ang may gahum lamang sa impeachment trial amo ang Senado.
Ginpahayag sini nga gintipon sa amo nga mga hearing ang mga ebidensya agud maghimo sang naratibo batok sa bise president antes pa man makalab-ot sa trial.
“We have seen the committee on justice conduct what its chairperson, the lead prosecutor in this case, described as a mini trial, which as we all had witnessed witnessed became a vast fishing expedition of alleged evidence that were not even part of the impeachment complaints under its consideration and which the respondent accused was made to answer,” pahayag pa sang abogado.
Nahibaluan nga ang mga akusasyon kay Duterte sa impeachment amo ang sala nga paggamit sang confidential funds, pamahog sa presidente, indi mapaathag nga manggad, kag pagpanuhol sa mga opisyal sang gobyerno.#
